Arrival to O-ringen + AXA youth relay

玩咗一年都未夠就話去瑞典Oringen玩女子18歲組，聽起來好荒謬。可是，一切都真的發生了。

暑假一展開，我攞住個超重的行李箱衝去機場趕飛機，展開我8日的瑞典O-ringen之旅。

幸好，一切都很順利。到了第一個training area, 要自己選難度。

我怕自己應付唔到，就選張最簡單。（白色）怎料真係好簡單，大部份路邊控制點，慢慢行半個鐘都已經翻咗來。之後，緊係比人笑啦。我張圖比8歲細路玩都得。最諷刺係我當日train 最簡單個張圖，但我2日後正式比賽，將會面對最難的賽程。就是這樣就白白浪費了一次訓練的機會。

第二天，再到training area 2。今次自己選幾個控制點去。雖然用了不少扶手法，不過同時也用了不少其他技術，例如attack point, catching feature etc. 

AXA Youth Relay （同日）

我一生最難忘的回憶之一。

今年已是第十次開幕典禮後都會舉辦一個youth sprint relay。賽程只有1.2km。

一共四棒：

1st: H16 

2nd: D14

3rd: H14

4th: D16

一行人到了體育館，我們「香港隊」紛紛跟著其他隊做熱身。第一次見識其他國家定向人，真係大開眼界

話就話16歲，睇落成個18-20歲。大部份女仔都好高大，男仔更加唔係講，「巨人」咁 而且，個個都超級fit 隨時我地跑全速係佢地熱身速度搞到我地都驚驚地。最緊要唔好包尾

首先，參賽隊伍要進入體育館。

（呢個勁囉成件事好似足球比賽）

佢會逐隊逐隊叫出來。

叫到HONG KONG TEAM

我地4個完全unprepare

傻傻地死死氣跑出去

更勁係全程有攝影機直播加close up

播上體育館大電視。(後來先知轉播埋全世界)

跑到出去，個個都不斷在熱身區熱身。當我地停低休息時，偏偏個鏡就close up 我地個休閒樣

比賽即將開始了!

第一棒到起點準備mass start 

好鬼緊張

當鐘/槍聲（唔記得）一響，個個一支箭沖晒出體育館。

當我地個第一棒對比下最後個批出去，我地呆咗不禁歎氣

唔好包尾呀～

第一棒跑緊期間，我地就研究點接棒。賽會擺咗個spectator control 係體育館，如果上一棒來到打呢個控制點，你就應該去接棒區準備。

上一棒翻到體育館要跟住欄杆兜個大圈然後交低自己地圖，再係欄杆度搵自己隊友的地圖，跑去接棒區交比下一棒。（以上完全係自己摸索翻來，佢冇任何demonstration, 第一棒時真係唔知發生咩事） 

我地第一棒11分幾翻來，聽落已經好快。但整個比賽第一個男仔翻來以8-9分幾翻到體育館，真係閃電一樣咁快。

第二第三棒都分別成功接棒，將要到身為第四棒的我準備了

接過第三棒幫我攞的地圖，我馬上轉身一邊看地圖一邊跑出體育館。

這條course 有不少route choice 需要我選。正如第一個同第六控制點行左定右，雖然望落好似差唔多咁。

整體其實順，除咗第10個控制點，明明咁近，我花咗2分鐘落去。應該又係因為低級錯誤—冇正置地圖。行咗去第二邊。跟住我又定唔到位，又心急。最後，我唯有翻到路交界定位。咁岩有人到，終於比我搵到第十個控制點。如果唔係呢個點，我應該可以12分鐘翻來好失敗

另外，我地4個都跑得好辛苦。

唔知點解，因為唔習慣當地空氣？跑起來好難呼吸，個喉嚨會好似著火咁又好似乾得好緊要，總之好唔舒服。

最後沖線時，勁囉

有睇現場或直播朋友就會知

我同另外個外國女仔同時打完last control 然後沖翻終點

剛入到體育館時，佢爬咗我頭。然後我加速希望爬翻佢頭。我得咗 啊哈哈

我地好近，要鬥快打終點。之後，由於我身軀「巨」，bell 開咗佢我冇心的。我地想打終點時，個judge 叫停我地，評核邊個翻來先，最後係我AHAHAHAHAHAH yea 冇最尾

瑞典第一場比賽就咁完咗。

真正的挑戰等待著我.......